Vegabréf

Sótt er um vegabréf hjá sýslumönnum um allt land. Reykvíkingar sækja um vegabréf hjá sýslumanninum í Kópavogi.

12. maí 2017

Hvar er sótt um vegabréf?

Sótt er um vegabréf hjá sýslumönnum um allt land. Reykvíkingar sækja um vegabréf hjá sýslumanninum í Kópavogi í Hlíðarsmára 1,  en Þjóðskrá sem gefur út vegabréfin.

Þegar sótt er um vegabréf þarf að hafa meðferðis:

  • Eldra vegabréf, sé það til staðar;
  • Persónuskilríki með mynd;
  • Greiðslu fyrir vegabréfið;
  • Samþykki forsjármanns, eigi svo við.

Á staðnum eru tekin andlitsmynd, fingraför og sýnishorn af rithönd.

Pro-tip:  EKKI er hægt að nota passamyndir sem teknar eru fyrir vegabréf í ökuskírteini og að ALLIR sem fengu ökuskírteini fyrir júní 2013 og ætla að endurnýja þurfa að koma með nýja mynd.

Hvað kostar að sækja um vegabréf?

  • Almenn afgreiðsla á vegabréfum fyrir 18-66 ára kostar 12.300 krónur og hraðafgreiðsla kostar 24.300.
  • Börn og aldraðir greiða 5.600 krónur en 11.000 fyrir hraðafgreiðslu.
  • Ekki er hægt að greiða með kreditkorti.

Hversu langan tíma tekur að afgreiða vegabréf?

Almennur afgreiðslutími vegabréfa er ein vika, ef sótt er um á mánudegi er vegabréfið póstlagt næsta mánudag en póstsendingin getur tekið allt að þrjá daga að berast. Hægt er að sækja vegabréfin til viðkomandi Sýslumanns eða send umsækjanda í pósti. Þó er hægt óska eftir hraðafgreiðslu en þá verður að greiða sérstakt gjald fyrir það. Slík vegabréf eru sótt í afgreiðslu Þjóðskrár Íslands eða send umsækjanda í pósti.

Hvaða lönd krefjast þess að Íslendingar framvísi vegabréfum?

Öll lönd.

Lengi gátu Íslendingar ferðast um Norðurlöndin á ökuskírteini, en frá og með 24. nóvember 2016 er það ekki raunin.  Þú verður því að taka með þér til Norðurlandanna.

Auk þess þurfa Íslendingar (tæknilega) ekki að framvísa vegabréfi á Schengen-svæðinu heldur eingöngu löggiltum persónuskilríkjum.  Íslenskt vegabréf er það eina sem er vottað sem slíkt og því ekki um raunverulegan vegabréfslausan munað að ræða fyrir íslendinga.

 

Frekari upplýsingar og svör við algengum upplýsingum um vegabréf má nálgast á heimasíðu Þjóðskrár.

Ertu að fara ferðast ? 

Kíktu á greina: "Gátlisti fyrir ferðalög til útlanda" Þar telja starfsmenn Áttavitans upp það sem þykir vera miklivægt að huga sérstaklega að áður en haldið er af stað í ferðalag erlendis.

 

12. maí 2017

Ertu með spurningu?

Full nafnleynd og 100% trúnaður.

 

Staðir tengdir síðu

Mest lesið

Vinna |  10.05.2017
Einkalíf |  22.11.2012
Einkalíf |  20.12.2016
Einkalíf |  06.04.2016