Desemberuppbót

Desemberuppbót er bónus sem launþegar fá greiddan í desember. Venjulega er þetta föst upphæð.

02. desember 2014

Hvað er desemberuppbót?

Desemberuppbót er bónusgreiðsla sem atvinnuveitendum er skylt að greiða starfsfólki sínu. Desemberuppbótin er greidd út í einni greiðslu, venjulega í desember eins og nafnið gefur til kynna.

Hverjir eiga rétt á desemberuppbót?

Allir sem starfað hafa í 100% starfi í 45 vikur á ári eiga rétt á fullri desemberuppbót. Sé fólk í hlutastarfi á það líka rétt á desemberuppbót en fær hana greidda eftir starfshlutfalli sínu. Til að eiga rétt á lágmarks uppbót þarf fólk að hafa starfað samfleytt í þrjá mánuði á árinu og fær þá greitt eftir starfshlutfalli og starfstíma.

Hversu há er desemberuppbót?

Upphæðin fer eftir kjarasamningum hverju sinni. Hér að neðan má sjá upphæðir desemberuppbótar árið 2014 hjá nokkrum vinnustöðum og stéttarfélögum:

  • Ríkið greiðir 73.600 krónur í desemberuppbót árið 2014.
  • Reykjavíkurborg greiðir 79.500 krónur í desemberuppbót árið 2014.
  • Desemberuppbót samkvæmt samningum VR er 73.600 fyrir árið 2014.
  • Sveitarfélögin greiða 87.500 krónur í desemberuppbót árið 2014.

Best er að hafa samband við sitt stéttarfélag til að spyrjast fyrir um desemberuppbót og athuga hvaða rétt maður hefur.

02. desember 2014

Ertu með spurningu?

Full nafnleynd og 100% trúnaður.

 

Efni tengt síðu

Mest lesið

Einkalíf |  06.04.2016
Vinna |  10.05.2017
Heimilið |  21.04.2015

Mest lesnu svörin

Heilsa & kynlíf |  19.01.2015 Brátt sáðlát,verkir í eista og kláði.